Ինչպե՞ս կարող ենք աջակցել Ձեզ
Աջակցում ենք հաշմանդամություն ունեցող անձանց ու նրանց ընտանիքներին և համագործակցում կազմակերպությունների հետ։ Կապ հաստատեք մեզ հետ։ Միասին կքննարկենք Ձեր հարցը և կպարզենք, թե ինչ աջակցություն կարող ենք տրամադրել։
Անհատների և ընտանիքների համար
Իրավաբանական օգնություն, խորհրդատվություն հաշմանդամության գնահատման և սոցիալական աջակցության հարցերով, ուղղորդում հոգեկան առողջության մասնագետների մոտ և օգտակար նյութեր։
Կազմակերպությունների համար
Օրենքների նախագծերի վերաբերյալ առաջարկներ, փորձագիտական զեկույցներ, դասախոսություններ և սեմինարներ։
Մեր ծառայությունները
Մեր աջակցության ուղղությունները
Իրավաբանական օգնություն
Իրավաբանական աջակցություն և դեպքի վարում
Իրավաբանական աջակցություն ենք տրամադրում հաշմանդամություն ունեցող անձանց, որոնք ենթարկվել են հաշմանդամության հիմքով խտրականության։ Ուսումնասիրում ենք յուրաքանչյուր դեպքը և աջակցում խնդրի լուծման ընթացքում։ Մեր աշխատանքը ներառում է հետևյալ ուղղությունները։
- Իրավական իրազեկում՝ բացատրում ենք Ձեր իրավունքներն ու դրանցից օգտվելու կարգը, օրինակ՝ հաշմանդամության գնահատման կամ խտրականությունից պաշտպանվելու հարցերում։
- Իրավական խորհրդատվություն՝ քննարկում ենք Ձեր իրավական խնդիրը և ներկայացնում դրա լուծման հնարավոր ուղիները։
- Իրավական օգնություն՝ օգնում ենք անհրաժեշտ իրավական քայլերը ձեռնարկելու և վարչական ու դատական գործընթացներին մասնակցելու հարցերում։
- Իրավական ներկայացուցչություն՝ փաստաբանը ներկայացնում է Ձեր շահերը վարչական մարմիններում, ինչպես նաև քաղաքացիական և վարչական գործերով դատարաններում։
Կազմակերպությունների համար
Փորձագիտական ծառայություններ
Օգնում ենք պետական և մասնավոր կազմակերպություններին իրենց աշխատանքն ու ծառայություններն ավելի մատչելի դարձնելու և հաշմանդամություն ունեցող անձանց մասնակցությունն ապահովելու հարցերում։
Չգիտե՞ք՝ որտեղից սկսել
Գրեք կամ զանգեք մեզ։ Միասին կքննարկենք Ձեր հարցը և աջակցության հնարավոր տարբերակները։