Սույն գաղտնիության քաղաքականությունը ներկայացնում է, թե «Հաշմանդամություն ունեցող անձանց իրավունքների օրակարգ» հասարակական կազմակերպությունը (այսուհետ՝ Կազմակերպություն) dra.am կայքն օգտագործելիս ինչ անձնական տվյալներ է հավաքում, ինչ նպատակներով և ինչպես է դրանք մշակում, պահպանում ու պաշտպանում, ինչպես նաև ինչ իրավունքներ ունեք Ձեր անձնական տվյալների նկատմամբ։
Սույն քաղաքականությունը չի տարածվում այն անձնական տվյալների վրա, որոնք Դուք տրամադրում եք Կազմակերպությանը՝ ծառայություն ստանալու, անհատական աջակցության կամ այլ հարցով դիմելու շրջանակում։
Բաժին 1
Ինչ տվյալներ ենք հավաքում
Կայքն այցելելիս կամ դրա առանձին գործառույթներից օգտվելիս կարող են հավաքվել Ձեր կողմից տրամադրվող և ինքնաբերաբար ստացվող տեխնիկական տվյալներ։
Եթե կայքի միջոցով բաժանորդագրվում եք մեր նորություններին կամ այլ հաղորդագրություններին, կարող ենք հավաքել Ձեր էլեկտրոնային փոստի հասցեն և բաժանորդագրության համար անհրաժեշտ այլ սահմանափակ տվյալներ։
Կայքն այցելելիս որոշ տեխնիկական տեղեկություններ կարող են հավաքվել ինքնաբերաբար, այդ թվում՝
- IP հասցեն,
- օգտագործվող սարքի և բրաուզերի վերաբերյալ տեխնիկական տվյալները,
- այցելած էջերը,
- այցելության ամսաթիվը և ժամը,
- այն կայքը կամ էջը, որտեղից անցել եք dra.am,
- բրաուզերի լեզուն,
- մոտավոր աշխարհագրական տեղեկությունը, օրինակ՝ երկիրը։
Մենք չենք օգտագործում կայքը զգայուն անձնական տվյալներ հավաքելու նպատակով։
Բաժին 2
Ինչու ենք հավաքում տվյալները
Կայքի օգտագործման ընթացքում ստացվող տվյալները մշակում ենք միայն այնքանով, որքանով դա անհրաժեշտ է՝
- կայքի բնականոն և անվտանգ աշխատանքն ապահովելու,
- հասկանալու, թե ինչպես է օգտագործվում կայքը,
- կայքի բովանդակությունը, կառուցվածքը և մատչելիությունը բարելավելու,
- տեխնիկական խնդիրները հայտնաբերելու և վերացնելու,
- Ձեր կողմից բաժանորդագրված հաղորդագրություններն ուղարկելու,
- կայքի նկատմամբ կիրառելի իրավական պարտավորությունները կատարելու համար։
Կայքի օգտագործման վիճակագրությունը գնահատում ենք հիմնականում համախմբված ձևով։ Այն չենք օգտագործում առանձին այցելուների վերաբերյալ պրոֆիլներ կազմելու համար։
Մենք կայքի միջոցով ստացված անձնական տվյալները չենք վաճառում և չենք օգտագործում երրորդ անձանց գովազդային նպատակներով։
Բաժին 3
Ինչպես ենք պաշտպանում տվյալները
Մենք կիրառում ենք ողջամիտ տեխնիկական և կազմակերպական միջոցներ՝ կայքի միջոցով մշակվող տվյալները չարտոնված հասանելիությունից, փոփոխումից, կորստից, հրապարակումից կամ այլ ոչ իրավաչափ մշակումից պաշտպանելու համար։
Կայքը և դրա հետ կապված ծառայություններն օգտագործում են անվտանգ կապի տեխնոլոգիաներ։ Կայքի կառավարման համակարգերի հասանելիությունը սահմանափակվում է այն անձանցով, որոնց այն անհրաժեշտ է իրենց աշխատանքային պարտականությունները կատարելու համար։
Կայքի այցելությունների վիճակագրության համար օգտագործվում է Jetpack Stats ծառայությունը, որը գործում է WordPress.com-ի և Automattic-ի ենթակառուցվածքի միջոցով։
Jetpack Stats-ը կարող է մշակել այնպիսի տեխնիկական տվյալներ, ինչպիսիք են IP հասցեն, բրաուզերի և սարքի վերաբերյալ տվյալները, այցելած և ուղղորդող էջերի հասցեները, այցելության ժամանակը, բրաուզերի լեզուն և երկրի կոդը։
Կազմակերպությանը հասանելի վիճակագրական տվյալները հիմնականում համախմբված են և օգտագործվում են կայքի այցելությունների ու բովանդակության օգտագործման ընդհանուր պատկերը հասկանալու համար։
Բաժին 4
Ովքե՞ր կարող են մշակել կամ ստանալ տվյալները
Կազմակերպությունը կայքի այցելուների անձնական տվյալները չի վաճառում և չի տրամադրում երրորդ անձանց նրանց սեփական գովազդային կամ առևտրային նպատակների համար։
Կայքը գործում է WordPress.com հարթակում։ WordPress.com-ը և դրա հետ կապված Automattic ծառայությունները կարող են տեխնիկապես մշակել կայքի աշխատանքի, անվտանգության, վիճակագրության և բաժանորդագրությունների համար անհրաժեշտ տվյալները։
Տվյալները կարող են նաև տրամադրվել իրավասու պետական մարմնին, եթե դրանց տրամադրումը պահանջվում է Հայաստանի Հանրապետության օրենսդրությամբ սահմանված կարգով։
Քանի որ WordPress.com-ը և դրա հետ կապված որոշ տեխնիկական ծառայություններ գործում են միջազգային ենթակառուցվածքով, որոշ տեխնիկական տվյալներ կարող են մշակվել Հայաստանի Հանրապետությունից դուրս։
Բաժին 5
Որքա՞ն ժամանակ ենք պահում տվյալները
Կայքի օգտագործման հետ կապված անձնական տվյալները պահվում են միայն այնքան ժամանակ, որքան անհրաժեշտ է դրանց մշակման համապատասխան նպատակի համար։
Բաժանորդագրության համար տրամադրված տվյալները պահվում են մինչև Ձեր բաժանորդագրությունից հրաժարվելը կամ համապատասխան ծառայության դադարեցումը։
Կայքի տեխնիկական և վիճակագրական տվյալների պահպանման ժամկետները կարող են կախված լինել WordPress.com-ի, Jetpack-ի և օգտագործվող այլ տեխնիկական ծառայությունների պայմաններից։
Երբ տվյալների պահպանման անհրաժեշտությունն այլևս չկա, դրանք ջնջվում կամ ապանձնավորվում են՝ կիրառելի տեխնիկական և իրավական հնարավորությունների սահմաններում։
Բաժին 6
Ձեր իրավունքները
Կիրառելի օրենսդրությամբ նախատեսված դեպքերում Դուք կարող եք՝
- տեղեկություն ստանալ Ձեր անձնական տվյալների մշակման վերաբերյալ,
- ծանոթանալ Կազմակերպության կողմից պահպանվող Ձեր անձնական տվյալներին,
- պահանջել ուղղել ոչ ճշգրիտ կամ թերի տվյալները,
- պահանջել ջնջել այն տվյալները, որոնց հետագա պահպանման համար այլևս չկա իրավական հիմք,
- հետ վերցնել Ձեր համաձայնությունը, եթե տվյալների մշակումը հիմնված է համաձայնության վրա,
- օգտվել անձնական տվյալների պաշտպանության վերաբերյալ օրենքով նախատեսված այլ իրավունքներից։
Ձեր իրավունքներից օգտվելու համար կարող եք գրել info@dra.am հասցեով։
Բաժին 7
Ինչպես պահանջել տվյալների ջնջում
Եթե ցանկանում եք ջնջել կայքի օգտագործման հետ կապված՝ Կազմակերպության կողմից պահպանվող Ձեր անձնական տվյալները, կարող եք գրել info@dra.am հասցեով՝ նամակի թեմայում նշելով «Ջնջման հարցում»։
Հարցման մեջ խնդրում ենք նշել բավարար տեղեկություններ, որպեսզի կարողանանք հասկանալ, թե որ տվյալների մասին է խոսքը։
Անհրաժեշտության դեպքում կարող ենք խնդրել լրացուցիչ տեղեկություն՝ Ձեր ինքնությունը հաստատելու և այլ անձի տվյալների չարտոնված ջնջումը կանխելու համար։
Հարցման ստացումը կհաստատենք հինգ աշխատանքային օրվա ընթացքում և այն կքննարկենք կիրառելի օրենսդրությամբ սահմանված ժամկետներում։
Որոշ տվյալների ջնջումը կարող է տեխնիկապես հնարավոր չլինել կամ կարող է սահմանափակվել, եթե դրանց պահպանումը պահանջվում է օրենքով կամ իրականացվում է կայքի տեխնիկական ծառայություն մատուցողի կողմից՝ իր նկատմամբ կիրառելի պայմաններին համապատասխան։
Բաժին 8
Cookie-ներ
Cookie-ները փոքր տվյալային ֆայլեր են, որոնք կայքը կամ դրա կողմից օգտագործվող ծառայությունները կարող են պահպանել Ձեր բրաուզերում կամ սարքում։
Դրանք կարող են անհրաժեշտ լինել կայքի հիմնական գործառույթների աշխատանքի, անվտանգության, Ձեր ընտրած կարգավորումները պահպանելու կամ կայքի օգտագործման վիճակագրության համար։
Կայքում կարող են օգտագործվել WordPress.com-ի և Jetpack-ի տեխնիկական և ֆունկցիոնալ cookie-ներ կամ նմանատիպ տեխնոլոգիաներ։ Դրանց օգտագործումը կախված է կայքում տվյալ պահին ակտիվացված գործառույթներից։
Կայքի այցելությունների վիճակագրության համար օգտագործվում է Jetpack Stats-ը։
Կայքում կարող եք ընդունել բոլոր cookie-ները, մերժել ոչ անհրաժեշտները կամ ընտրել առանձին խմբերը։ Անհրաժեշտ cookie-ներն ապահովում են կայքի աշխատանքը և Ձեր ընտրության պահպանումը։ Վիճակագրության համաձայնությունը փոխանցվում է Jetpack Stats-ին։ Արտաքին բովանդակության, օրինակ՝ քարտեզների օգտագործումը կարող է տվյալներ փոխանցել համապատասխան ծառայություն մատուցողին։
Ձեր ընտրությունը կարող եք ցանկացած պահի փոխել «Cookie-ների կարգավորումներ» կոճակով։ Հիմնական ընտրությունը պահպանվում է Ձեր բրաուզերում մինչև մեկ տարի։ Բրաուզերի cookie-ները ջնջելուց հետո ընտրությունը կարող է կրկին պահանջվել։ Համաձայնությունից հրաժարվելը չի փոխում մինչ այդ տրված համաձայնության հիման վրա կատարված մշակման օրինականությունը։
Կարող եք նաև Ձեր բրաուզերի կարգավորումներում դիտել, ջնջել կամ արգելափակել cookie-ները։ Անհրաժեշտ cookie-ների արգելափակումը կարող է ազդել կայքի առանձին գործառույթների աշխատանքի վրա։
Կայքում օգտագործվող cookie-ների կամ դրանց նպատակների էական փոփոխության դեպքում այս բաժինը համապատասխանաբար կթարմացվի։
Բաժին 9
Քաղաքականության թարմացումներ
Մենք կարող ենք ժամանակ առ ժամանակ թարմացնել սույն քաղաքականությունը՝ կայքի գործառույթների, օգտագործվող տեխնոլոգիաների, տվյալների մշակման գործելակերպի կամ իրավական պահանջների փոփոխության դեպքում։
Քաղաքականության գործող տարբերակը մշտապես հասանելի կլինի այս էջում՝ վերջին թարմացման ամսաթվի նշմամբ։
Եթե փոփոխություններն էականորեն ազդում են կայքի այցելուների անձնական տվյալների մշակման վրա, դրանց մասին նախապես կտեղեկացնենք կայքի միջոցով կամ հաղորդակցության այլ համապատասխան եղանակով։
Հարցեր այս քաղաքականության մասին
Եթե հարցեր ունեք սույն քաղաքականության կամ dra.am կայքի միջոցով Ձեր անձնական տվյալների մշակման վերաբերյալ, կարող եք կապ հաստատել մեզ հետ։