2026 թվականի նոյեմբերի 13–14-ին Ծաղկաձորում կայացած՝ առողջապահության ոլորտում խարանի և խտրականության հաղթահարմանը նվիրված միջոցառմանը «Հաշմանդամություն ունեցող անձանց իրավունքների օրակարգ» ՀԿ-ի նախագահ Մուշեղ Հովսեփյանը վարել է սեսիա։ Միջոցառումը կազմակերպել էին Եվրոպայի խորհուրդը և ՀՀ արդարադատության նախարարությունը։
Մուշեղ Հովսեփյանը խոսել է համակարգային խտրականության և հակախտրականության նոր օրենքի նախագծի մասին՝ ներկայացնելով, թե ինչպես այն կարող է փոխել մասնագետների ամենօրյա աշխատանքը։ Սեսիայի ուշադրության կենտրոնում էր հավասարության և խտրականությունից պաշտպանության սկզբունքների նշանակությունը մասնագիտական գործելակերպում։
Միջոցառմանը մասնակցել են առողջապահության ոլորտի մասնագետներ, ինչպես նաև արդարադատության, առողջապահության և քրեակատարողական համակարգերի ներկայացուցիչներ։ Քննարկումները վերաբերում էին բժշկական օգնության ընթացքում արժանապատվության, հավասար վերաբերմունքի և մատչելի հաղորդակցության ապահովմանը։
Միջոցառման մասին լրացուցիչ տեղեկություն՝ Եվրոպայի խորհրդի կայքում։


Հետևեք մեր նորություններին
Բաժանորդագրվեք՝ նոր հրապարակումները էլեկտրոնային փոստով ստանալու համար։
