Հայաստանում մարդու իրավունքների հետ կապված իրավիճակը 4-րդ անգամ կդիտարկվի ՄԱԿ-ի Մարդու իրավունքների խորհրդի Համընդհանուր պարբերական դիտարկման աշխատանքային խմբի կողմից։
Այս գործընթացը նման է միջազգային «քննության»։ Մոտավորապես 4.5 տարին մեկ՝
1. Յուրաքանչյուր երկիր ներկայացնում է, թե ինչ է արել մարդու իրավունքների պաշտպանության համար,
2. Մյուս երկրները կարող են հարցեր բարձրացնել, քննադատել և առաջարկներ ներկայացնել,
3. Իսկ վերջում առաջարկների հիման վրա հատուկ զեկույց է կազմվում։
Հայաստանի կառավարության զեկույցից բացի, զեկույցներ են ներկայացրել նաև տարբեր կազմակերպություններ։
«Հաշմանդամություն ունեցող անձանց իրավունքների օրակարգ» ՀԿ-ն առանձին զեկույց է ներկայացրել մատչելիության և բնակարանի իրավունքի վերաբերյալ։ Մենք միացել ենք նաև այլ կազմակերպությունների առաջնորդությամբ մշակված 2 զեկույցների, որոնցից մեկը կենտրոնանում է հոգեբուժական ծառայությունների վրա։
Զեկույցներից քաղվածքը կարող եք գտնել Մարդու իրավունքների խորհրդի կայքում — Առնչվող նյութը
Հայաստանի դիտարկումը տեղի կունենա մայիսի 1-ին՝ Երևանի ժամանակով 16:30-ից մինչև 20:00-ն։ Այն կհեռարձակվի ՄԱԿ-ի պաշտոնական լեզուներով, այդ թվում՝ անգլերեն և ռուսերեն։ Հեռարձակման հղումը՝ Տեսագրությունը ՄԱԿ-ի կայքում
Հետևեք մեր նորություններին
Բաժանորդագրվեք՝ նոր հրապարակումները էլեկտրոնային փոստով ստանալու համար։
