Որոնել կայքում

Որոնեք հրապարակումներ, իրավական գործեր, ծրագրեր և նորություններ։

Հայտարարություններ

Սնվելուն և հագնվելուն աջակցող տեխնոլոգիաների վերաբերյալ վեբինարի հրավեր

Հայտարարության բարձրախոսի պատկերակ

Արխիվային հայտարարություն։ Այստեղ նշված ժամկետները վերաբերում են սկզբնական հրապարակման ժամանակաշրջանին։

Ինչպե՞ս կարող են աջակցող տեխնոլոգիաները նպաստել հաշմանդամություն ունեցող անձանց անկախ կյանքին, այդ թվում՝ հագնվելուն և սնվելուն։

«Հաշմանդամություն ունեցող անձանց իրավունքների օրակարգ» ՀԿ-ն և «Թերապիստները Հայաստանի համար» կազմակերպությունը ներկայացնում են «Աջակցող տեխնոլոգիա և ադապտիվ սարքեր սնվելու և հագնվելու համար» վեբինարը:

Վեբինարը նախատեսված է ծառայություններ մատուցող կազմակերպությունների, մասնագիտական ասոցիացիաների և անհատ մասնագետների համար։ Խրախուսվում է նաև հաշմանդամություն ունեցող անձանց կազմակերպությունների ներկայացուցիչների մասնակցությունը։

Երկու ժամ տևող վեբինարի բանախոսը դոկտոր Լեոն Վաշինգտոնն է, ով էրգոթերապիստ է և Թեքսասի կանանց համալսարանի կլինիկական պրոֆեսոր։

Վեբինարը տեղի կունենա 2024 թ. ապրիլի 18-ին (հինգշաբթի)՝ Հայաստանի ժամանակով 19:00-ից 21:00-ն։

Կապահովվի հայերեն-անգլերեն համաժամանակյա թարգմանություն։ Հանդիպումն անհրաժեշտության դեպքում կթարգմանվի նաև հայերեն ժեստերի լեզվով։

Վեբինարին մասնակցելու համար անհրաժեշտ է գրանցվել նախապես` մինչև ապրիլի 16-ը։ Հղումը՝ Մասնակցության հայտը (արխիվային հղում)

—
Վեբինարն իրականացվում է «Անկախություն ու արժանապատվություն առօրյա կյանքում՝ աջակցող սարքերի միջոցով» ծրագրի շրջանակներում՝ «STRIVE» ծրագրի աջակցությամբ։ Այն համաֆինանսավորվում է Եվրոպական միության կողմից և իրականացվում է ՆԵՖ Բելգիայի (NEF Belgium) կողմից՝ համագործակցությամբ չորս գործընկեր կազմակերպությունների. «ԱԳԱԹ» հաշմանդամություն ունեցող կանանց իրավունքների պաշտպանության կենտրոն ՀԿ, «ԲԼԵՋԱՆ» բնապահպանական, սոցիալական, բիզնեսի աջակցության ՀԿ, «ՎԻՆՆԵԹ Գորիս» զարգացման հիմնադրամ և «Դիլիջանի երիտասարդների համագործակցության կենտրոն» ՀԿ:


Հետևեք մեր նորություններին

Բաժանորդագրվեք՝ նոր հրապարակումները էլեկտրոնային փոստով ստանալու համար։