«Հաշմանդամություն ունեցող անձանց իրավունքների օրակարգ» հասարակական կազմակերպությունը փնտրում է Հաշմանդամություն ունեցող անձանց սոցիալական ներառման 2022-2026 թթ. համալիր ծրագրի մասնակցային մշակման ծառայություններ մատուցողի՝ նպաստելու հաշմանդամություն ունեցող անձանց իրավունքների պաշտպանության համակարգի հաշվետվողականությանը և արդյունավետությանը։
Փորձագիտական ծառայության նպատակը
Աջակցել ՀՀ աշխատանքի և սոցիալական հարցերի նախարարությանը Հաշմանդամություն ունեցող անձանց սոցիալական ներառման 2022-2026 թթ. համալիր ծրագրի նախագիծը մշակելու աշխատանքներում։
Աշխատանքի ծավալը
Ծառայություններ մատուցողի հիմնական պարտականություններն են՝
● ՀՀ աշխատանքի և սոցիալական հարցերի նախարարության հետ համագործակցությամբ մշակել Հաշմանդամություն ունեցող անձանց սոցիալական ներառման 2022-2026 թթ. համալիր ծրագրի նախագիծը և դրան կցվող փաստաթղթերի փաթեթը,
● Անցկացնել առնվազն հինգ ոլորտային խորհրդակցություն-քննարկում ՔՀԿ-ների և պետական կառավարման համակարգի մարմինների հետ՝ վերանայելու ծրագրի նախագիծը,
● Ըստ գնահատված անհրաժեշտության անցկացնել առանձին խորհրդակցություններ ոլորտի դերակատարների հետ,
● Իրականացնել համալիր ծրագրի նախագծի մշակման համար անհրաժեշտ այլ աշխատանքներ։
Ակնկալվող արդյունքները
● Հաշմանդամություն ունեցող անձանց սոցիալական ներառման 2022-2026 թթ. համալիր ծրագրի նախագիծ և դրան կցվող փաստաթղթերի փաթեթ
● Հաշմանդամություն ունեցող անձանց և քաղաքացիական հասարակության կազմակերպությունների ակտիվ ներգրավվածություն մշակման փուլում
Պահանջվող որակավորում
● Իրավագիտության, քաղաքագիտության կամ հարակից ոլորտների բարձրագույն կրթություն
● 3-5 տարվա աշխատանքային փորձ հանրային քաղաքականության կամ մարդու իրավունքների ոլորտներում
● Հանրային քաղաքականությունների մշակման փորձ
● Հաշմանդամություն ունեցող անձանց իրավունքներին առնչվող օրենդրական դաշտի իմացություն
● «Նորմատիվ իրավական ակտերի մասին» ՀՀ օրենքի և իրավական ակտերի նախագծերի մշակման մեթոդական ցուցումների իմացություն
● Պետական կառավարման համակարգի մարմինների հետ աշխատելու փորձ
● Գրական հայերենի (գերազանց) և անգլերենի իմացություն
Ժամկետները և այլ մանրամասները
Ծառայության ընդհանուր տևողությունը` 2 ամիս: Աշխատանքները պետք է սկսել 2021 թ. oգոստոսի 1-ից:
Ծառայությունների մատուցման առավելություններից է աշխատանքի հեռավար և ճկուն աշխատանքային գրաֆիկով լինելը, պետական կառավարման համակարգի մարմինների և հաշմանդամություն ունեցող անձանց կազմակերպությունների հետ աշխատանքային հարաբերությունների ձևավորման հնարավորությունը։
Խրախուսվում է հաշմանդամություն ունեցող փորձագետների մասնակցությունը։
Դիմելու ընթացակարգը
Հետաքրքրված անձինք պետք է ներկայացնեն հետևյալ փաստաթղթերը (հայերեն կամ անգլերեն)՝
- Ինքնակենսագրական (CV),
- Հետաքրքրության նամակ՝ ընդգծելով համապատասխան փորձը (առավելագույնը 1 էջ),
- Ծառայությունների գնային առաջարկ (ըստ ձևի),
- Իրականացրած համանման ուսումնասիրությունների հղումներ։
Խնդրում ենք վերը նշված փաստաթղթերը մինչև 2021 թ. հուլիսի 28-ը (ներառյալ) ուղարկել էլեկտրոնային փոստով info@dra.am հասցեին՝ նամակի թեմայի տողում նշելով «Policy Services 02»: Հարցերի դեպքում կարող եք գրել նշված էլ. փոստին, կազմակերպության ֆեյսբուքյան էջին կամ զանգել (+374 77) 400 350 հեռախոսահամարին։
Ծրագրի մասին
Ծառայությունն անհրաժեշտ է «Հաշմանդամություն ունեցող անձանց իրավունքների օրակարգ» հասարակական կազմակերպության կողմից իրականացվող «Արդյունավետ և լիարժեք մասնակցություն քաղաքականության մշակմանը և մոնիթորինգին» ծրագրի իրականացման համար։ Ծրագրի նպատակն է աջակցել հաշմանդամություն ունեցող անձանց իրավունքների ապահովմանը՝ Հաշմանդամություն ունեցող անձանց սոցիալական ներառման համալիր ծրագրի մասնակցային մշակման և իրականացման մոնիթորինգի և գնահատման միջոցով։
Ծրագիրն իրականացվում է Եվրասիա համագործակցություն հիմնադրամի կողմից Շվեդիայի միջազգային զարգացման գործակալության, Սիդայի աջակցությամբ իրականացվող «Աջակցություն քաղաքացիական հասարակությանը՝ հանուն բարեփոխումների վրա ներգործության» ծրագրի շրջանակում։
Կազմակերպության մասին
«Հաշմանդամություն ունեցող անձանց իրավունքների օրակարգ»-ը նորաստեղծ հասարակական կազմակերպություն է, որի նպատակն է խթանել, պաշտպանել և մշտադիտարկել Հաշմանդամություն ունեցող անձանց իրավունքների մասին ՄԱԿ-ի կոնվենցիայի արդյունավետ և լիարժեք իրականացումը Հայաստանում։