Ծրագիրն իրականացվում է Եվրասիա համագործակցություն հիմնադրամի կողմից Շվեդիայի միջազգային զարգացման գործակալության, Սիդայի աջակցությամբ իրականացվող «Աջակցություն քաղաքացիական հասարակությանը՝ հանուն բարեփոխումների վրա ներգործության» ծրագրի շրջանակում։
Ծրագրի իրագործման ժամանակահատված՝ 01.07.2021-28.02.2022
Ծրագրի նպատակ՝
Աջակցել հաշմանդամություն ունեցող անձանց իրավունքների ապահովմանը՝ Հաշմանդամություն ունեցող անձանց սոցիալական ներառման համալիր ծրագրի մասնակցային մշակման և իրականացման մոնիթորինգի և գնահատման միջոցով։
Ծրագրի խնդիրներ՝
1. Գնահատել Հաշմանդամություն ունեցող անձանց սոցիալական ներառման 2017-2021 թթ. համալիր ծրագրի իրականացումը և ներկայացնել կատարման բարելավման վերաբերյալ առաջարկություններ,
2. Աջակցել ՀՀ աշխատանքի և սոցիալական հարցերի նախարարությանը Հաշմանդամություն ունեցող անձանց սոցիալական ներառման 2022-2026 թթ. համալիր ծրագրի մշակման աշխատանքներում՝
- խթանելու համալիր ծրագրի նախագծի՝ հետազոտությունների հիման վրա լինելը և համապատասխանությունը Հաշմանդամություն ունեցող անձանց իրավունքների մասին կոնվենցիային,
- ապահովելու քաղաքացիական հասարակության կազմակերպությունների ակտիվ մասնակցությունը ծրագրի մշակմանը,
- աջակցելու նախարարությանը՝ համալիր ծրագրին առնչվող խորհրդակցությունների (այդ թվում՝ խորհրդակցական մարմինների միջոցով իրականացվող) և տեղեկատվության մատչելիությունն ապահովելու հարցում։
3. Զարգացնել կազմակերպության՝ մոնիթորինգի և ջատագովության ինստիտուցիոնալ կարողությունները (այդ թվում՝ անհրաժեշտ ընթացակարգերի, գործիքների և ձևաչափերի մշակման միջոցով) և բարձրացնել կազմակերպության տեսանելիությունը։
Ծրագրին առնչվող նյութեր՝